Երաշխիք

Սույն երաշխիքային սպասարկման պայմանները (այսուհետ՝ «Երաշխիքային սպասարկման պայմաններ» կամ «Պայմաններ») սահմանում են ապրանքի թերության դեպքում սպառողի կողմից Վաճառողին ներկայացվող պահանջների շրջանակը, դրանց բավարարման կարգն ու ժամկետները, ինչպես նաև Վաճառողի պատասխանատվությունը։

Սույն պայմաններն ու երաշխիքի կանոնները լրացնում և հստակեցնում են գնված ապրանքների նկատմամբ սպառողի իրավունքների իրականացման կարգը։

Սպառողի կողմից այստեղ նշված պայմանների և ապրանքի (ժամացույցի) շահագործման կանոնների խախտումը կարող է հանգեցնել երաշխիքային սպասարկման և երաշխիքային պարտավորությունների կատարումից հրաժարման։

Նոր ապրանքի երաշխիքային ժամկետը կազմում է 24 ամիս՝ գնման օրվանից

«ՌՈՒԺՄՈՆ» ժամացույցների խանութը («ՌՈՒԺՄՈՆ» կամ «Վաճառող») սպառողին երաշխավորում է ապրանքի անխափան աշխատանքը և դրա՝ թերություններից զերծ լինելը գնման օրվանից երկու տարվա ընթացքում (օգտագործված ապրանքների դեպքում՝ մեկ տարվա ընթացքում)՝ պայմանով, որ ամբողջությամբ պահպանվեն Շահագործման հրահանգում, Շահագործման ընդհանուր պայմաններում և Երաշխիքային կտրոնում սահմանված շահագործման պահանջները, ինչպես նաև ապրանքը օգտագործվի բացառապես անձնական կարիքների համար (ոչ մասնագիտական կամ ձեռնարկատիրական գործունեության հետ կապված) և իր անմիջական նշանակությամբ։

Եթե նշված ժամանակահատվածում, ապրանքի պատշաճ շահագործման պայմաններում, հայտնաբերվի թերություն, ապա արտադրողի մեղքով առաջացած թերությունները կվերացվեն անվճար՝ ապրանքը, պատշաճ լրացված երաշխիքային կտրոնը և գնման փաստը հաստատող փաստաթուղթը Վաճառողի կողմից նշված լիազորված սպասարկման կենտրոն ներկայացնելու դեպքում։

Եթե վաճառքի տարածաշրջանում բացակայում է Վաճառողի կողմից նշված լիազորված սպասարկման կենտրոնը, ապա արտադրանքը կարող է հանձնվել այն խանութին, որտեղ այն ձեռք է բերվել, հետագա փոխանցման համար լիազորված սպասարկման կենտրոն։

Ապրանքի բացումը կամ դրա վերանորոգման ցանկացած փորձ՝ լիազորված սպասարկման կենտրոնից դուրս, անկախ պատճառից, հանգեցնում է երաշխիքի անվերապահ դադարեցմանը։

Երաշխիքային ամբողջ ժամկետի ընթացքում արտադրանքի սպասարկումը պետք է իրականացվի բացառապես լիազորված սպասարկման կենտրոնում։

Երաշխիքային կտրոնը վավեր է միայն այն ապրանքի համար, որի համար այն ձևակերպվել է։ Չլրացված կամ անընթեռնելի լրացված դաշտերով, ուղղումներով կամ անհրաժեշտ ստորագրությունների բացակայությամբ երաշխիքային կտրոնը համարվում է անվավեր։

Երաշխիքային կտրոնը պետք է լրացված լինի ընթեռնելի ձևով և պարունակի հետևյալ տվյալները՝ արտադրանքի ապրանքանիշը (բրենդը), ռեֆերենսը (արտիկուլը), սերիական համարը (առկայության դեպքում), վաճառքի ամսաթիվը, խանութի կնիքը և պատասխանատու անձանց ստորագրությունները։

Երաշխիքային ժամկետի ընթացքում թույլատրելի են և թերություն չեն համարվում՝

• Արտադրողի կողմից ապրանքի մեջ տեղադրված սնուցման տարրի (մարտկոցի) լիցքաթափումը։ Երաշխիքային ժամկետի ընթացքում մարտկոցի փոխարինումը կատարվում է բացառապես պաշտոնական սպասարկման կենտրոնում։ Գնորդը վճարում է միայն մարտկոցի արժեքը
• Գոտու, շղթայի, իրանի, կոճակների, ժամի կարգավորման գլխիկի բնական մաշվածությունը, ինչպես նաև դրանց ծածկույթի (ոսկեզօծման, մետաղապատման և այլն) մաշվածությունը
• Ժամային և րոպեական սլաքների անհամընկնումը՝ մինչև 0,5 րոպեական բաժանման (12:00 դիրքում)
• Վայրկենական սլաքի շեղումը սանդղակի նշումներից՝ մինչև 0,5 վայրկենական բաժանման
• Քվարցային ժամացույցների ժամային և րոպեական սլաքների թույլատրելի ազատ ընթացքը (լյուֆտը)՝ մինչև 0,5 վայրկենական բաժանման
• Մեխանիկական ժամացույցների միջին օրական ընթացքի ճշգրտության շեղումը՝ ոչ ավելի, քան –20/+40 վայրկյան, իսկ քվարցային ժամացույցներինը՝ ամսական ոչ ավելի, քան ±20 վայրկյան։ Ավելի մանրամասն տվյալները նշված են օգտագործման հրահանգում
• Զարթուցիչի ազդանշանի գործարկման ժամանակի շեղումը՝ ոչ ավելի, քան ±6 րոպե
• Ապրանքի տեխնիկական բնութագրերի շեղումները տեխնիկական փաստաթղթերում նշված սահմանային արժեքներից, եթե դրանք վերացվում են սպասարկման կենտրոնում՝ կարգավորման և ճշգրտման միջոցով՝ առանց դետալների փոխարինման

Երաշխիքը չի տարածվում շահագործման կանոնների խախտման հետևյալ հետքերի առկայության դեպքում՝

• հարվածների և մեխանիկական վնասվածքների հետքեր՝ փոսվածքներ, քերծվածքներ, տեղաշարժված սլաքներ, վնասված ինդեքսների և թվեր, ժամի կարգավորման գլխիկի բացակայություն կամ ձևախախտում և այլն,
• պաշտոնական սպասարկման կենտրոնից դուրս չարտոնված բացման հետքեր՝ իրանի և կափարիչի միացման հատվածում առկա քերծվածքներ, պտուտակների վնասված ակոսներ, մեխանիզմի ներսում մատնահետքեր, ոչ ստանդարտ մարտկոց, հետևի կափարիչի սխալ տեղադրված միջադիր և այլն,
• ապրանքի վրա բարձր (+50 °C-ից ավելի) կամ ցածր (–20 °C-ից պակաս) ջերմաստիճանի ազդեցության հետքեր

Ցանկացած արտաքին մեխանիկական ազդեցության, հարվածային կամ թրթռումային ծանրաբեռնվածության, ինչպես նաև ապրանքի մասերի նկատմամբ արտաքին ուժի կիրառման հետևանքով առաջացած ներքին կամ արտաքին վնասվածքներ` կոտրված կամ տեղից դուրս եկած ապակի, ճաքեր, քերծվածքներ, խորը քերծվածքներ, պոկվածքներ, նյութերի և դետալների ձևախախտումներ, ժամի կարգավորման գլխիկի առանցքի կոտրվածք կամ ծռվածք, անիվների և հավասարակշռիչի առանցքների ծռվածք, թիթեղների ձևախախտում, դետալների պատռվածք կամ ձգվածք, շղթայի ամրացման համար նախատեսված իրանի ականջիկների պոկվածք և այլն։

Ժամացույցի վնասվածքներ, որոնք առաջացել են ջրի ազդեցության հետևանքով` շահագործման կանոնների խախտման պատճառով։ «Water Resistance 30 m» և «Water Resistance 50 m» մակնշմամբ ժամացույցները նախատեսված չեն լողալու համար։ Արգելվում է ջրի մեջ գտնվելու ընթացքում օգտագործել ժամի կարգավորման գլխիկը և կոճակները (բացառությամբ ջրասուզակների համար նախատեսված հատուկ ժամացույցների, որոնց հետևի կափարիչի վրա առկա է «DIVER» մակնշումը)։

Ժամացույցի վնասվածքներ, որոնք առաջացել են իրանի կամ գոտու վրա քայքայիչ քիմիական նյութերի և գազերի (ալկալիներ, թթուներ, ներկ, բենզին, սնդիկ, պլաստմասսայի լուծիչներ, դրանց գոլորշիներ և այլն) ազդեցության հետևանքով։

Ապրանքի ներս օտար առարկաների, նյութերի կամ միջատների ներթափանցման հետևանքով առաջացած վնասվածքներ

23:00-ից մինչև 04:00-ն ընկած ժամանակահատվածում սպառողի կողմից ժամի կարգավորման հետևանքով առաջացած օրացույցի մեխանիզմի վնասվածքներ, երբ գործում է ամսաթվի և շաբաթվա օրվա ավտոմատ փոփոխման մեխանիզմը։

Գնորդի դիտավորյալ կամ անզգույշ գործողությունների, ինչպես նաև շահագործման կանոնների խախտման հետևանքով առաջացած այլ վնասվածքներ։